കാത്തിരിപ്പ്

11 മെയ് 2024 (യാത്രയ്ക്കിടെ എഴുതിയത്)

ആത്മീയം:  എന്നെ തേടിയുള്ള യാത്ര തുടങ്ങിയിട്ട് ഏറെയായി. അങ്ങനെയിരിക്കെയാണ് ഈ ഒരു സ്ഥലത്ത് നിന്നും ആ “വിളി” വന്നത്.  

സയൻസ്:  ഭൂമിയിലെ ജീവൻ ഇപ്പോൾ ഉള്ളത്  പോലെ തന്നെ നിലകൊള്ളാൻ സഹായിക്കുന്ന ചില ഘടകങ്ങളിൽ ഒരു പ്രധാനപ്പെട്ട കാര്യമുണ്ട്. ഭൂമിയിലാകെയുള്ള ആ 3  ഇടങ്ങളിലൊന്ന്  നമ്മുടെ ഭാരതത്തിലാണ്  സ്ഥിതി ചെയ്യുന്നത്. 

കുറിപ്പ്:  ആ,  ഈ,  ചില… ഇതൊക്കെ വരും ദിവസങ്ങളിൽ തെളിഞ്ഞു വരും. 

പായസം

വാതിലിനു പുറത്തുള്ള ഇരുമ്പ് ഗേറ്റിൽ ആരോ തട്ടുന്നു. റോമ വന്നു പോയല്ലേ ഉള്ളൂ. മൊബൈൽ എന്തെങ്കിലും മറന്നു വച്ച് കാണുമോ. ഏയ്! അവൾ കാളിംഗ് ബെൽ അടിക്കാറാണ് പതിവ്.

വാതിൽ തുറന്നപ്പോൾ അതാ മുന്നിൽ നിൽക്കുന്നു ശ്രേയ! ഞാൻ എന്തെങ്കിലുമൊന്ന് ചോദിക്കും മുൻപ് അവളുടെ കയ്യിലുണ്ടായിരുന്ന പാത്രം എനിക്ക് നേരെ നീട്ടി. 

“പായസം”.

ഹാ കോളടിച്ചു! 

നല്ലൊരു സേമിയ പായസത്തിന് താങ്ക്യൂ സംഗീത ജി